ഗ്രഹണം

------
ഭൂപടത്തില്‍
തല കാണ്മാനില്ല
മഞ്ഞിന്‍ മടിയിലെ
തല ഭാഗ മാരോ
തല വേദന പറഞ്ഞു
വെട്ടിയിരിക്കുന്നു .

അറ്റ് പോകാതെ
വെടി മരുന്ന് പൊള്ളി
കുഷ്ടം പിടിച്ച
അതിരുകള്‍ ..

അധികാര ത്തിന്‍റെ
കാന്‍സര്‍ പഴുത്ത
രാജ വീഥിയിലൂടെ
ജയ്‌ വിളികളുടെ
അകമ്പടിയില്‍
ആണവ കരാറും
പുതച്ച് എഴുന്നള്ളിയ
രാജ പരമ്പരയെ ചൂണ്ടി
കുട്ടി വിളിച്ചു പറഞ്ഞു ..

'നിങ്ങള്‍ പണ്ടേ നഗ്നരാണ്
ഇത് മാതാവിനെ
വിവസ്ത്രയാക്കാനുള്ള
പുറപ്പാടാണ് '..

ഗ്രഹണം കഴിഞ്ഞപ്പോള്‍
വിശന്നു ഗ്രഹണി പിടിച്ച
ആ കുട്ടിയെ
പിന്നെയാരും കണ്ടില്ല.

------------------------ഷംസ്