Custom Search

Tuesday, July 27, 2010

പവിഴ മഴ - ഗള്‍ഫ് മലയാള കവിതകള്‍ - പ്രകാശനവും സെമിനാറും

പവിഴ മഴ - ഗള്‍ഫ് മലയാള കവിതകള്‍ - പ്രകാശനവും സെമിനാറും ബഹറിന്‍ കേരളീയ സമാജം സാഹിത്യവേദിയുടെ ആഭിമുഖ്യത്തില്‍ 30/07/2010 വെള്ളിയാഴ്‌ച വൈകിട്ട് 5 മണിക്ക് നടക്കുന്ന മീറ്റിംഗില്‍ ഗള്‍ഫ് മേഖലയിലെ 80 കവികളുടെ കവിതകള്‍ അടങ്ങിയ കവിതാസമാഹാരം " പവിഴ മഴ " പ്രകാശനം ചെയ്യുന്നു. പ്രശസ്‌ത ചലച്ചിത്രകാരന്‍ ശ്രി. പി. ടി. കുഞ്ഞുമുഹമ്മദാണ്പ്രകാശനം ചെയ്യുന്നത്. ആദ്യ പ്രതി അദ്ദേഹത്തില്‍ നിന്നും സമാജം സെക്രട്ടറി ശ്രി. എന്‍. കെ. വീരമണി ഏറ്റുവാങ്ങും. സമാജം ആക്‌ടിങ്ങ് പ്രസിഡന്റ് ശ്രീ. സജു കുമാര്‍ കെ. എസ്. അദ്ധ്യക്ഷത വഹിക്കും. ബിജു എം. സതീഷ്, കമാല്‍ മൊഹിതീന്‍, ഒഴൂര്‍ രാധാകൃഷ്ണന്‍, മുരളീധര്‍ തമ്പാന്‍, കാമിന്‍ നസീഫ് തുടങ്ങിയവര്‍ സംസാരിക്കും. ബാജി ഓടംവേലി എഡിറ്ററായുള്ള ഈ കവിതാ സമാഹാരത്തില്‍ ദുബായ്, അബുദാബി, ഖത്തര്‍, സൌദി എന്നിങ്ങനെ ഗള്‍ഫ് പ്രാധിനിത്യം ഉറപ്പിക്കാന്‍ ശ്രമിച്ചിട്ടുണ്ട്. 73 കവിതകള്‍ ബഹറിനില്‍ നിന്നു തന്നെയുള്ളതാണ്‍. എഴുത്തുകാരുടെ ഫോട്ടോയും അവരേപ്പറ്റിയുള്ള വിവരണവും കൂടെ ചേര്‍ത്തിരിക്കുന്നത് എഴുത്തുകാരെ കൂടുതല്‍ അടുത്തറിയാന്‍ സഹായിക്കും. ബഹറിനിലെ എഴുത്തുകാരുടെ കൂട്ടായ്‌മയായ തണല്‍ പബ്ലിഷേര്‍സാണ് പുസ്‌തകം പ്രസിദ്ധീകരിച്ചിരിക്കുന്നത്. ആഗസ്‌റ്റ് രണ്ടാം തീയതി വൈകിട്ട് 8 മണിക്ക് നടക്കുന്ന സാഹിത്യവേദി മീറ്റിംഗില്‍ ഇതില്‍ എഴിതിയിരിക്കുന്ന കവിതകള്‍ കവികള്‍ അവതരിപ്പിക്കുകയും കവികളെ അനുമോദിക്കുകയും ചെയ്യും. "ആധുനീക കേരള നിര്‍മ്മിതിയില്‍ പ്രവാസികളുടെ പങ്ക് " എന്ന വിഷയത്തില്‍ നടക്കുന്ന സെമിനാറില്‍ ശ്രീ. പി. ടി. കുഞ്ഞുമുഹമ്മദ് വിഷയം അവതരിപ്പിക്കും. തുടര്‍ന്ന് ചര്‍ച്ചയും അദ്ദേഹവുമായി മുഖാമുഖവും ഉണ്ടായിരിക്കും. ഫാല്‍ക്കണ്‍ ടോസ്‌റ്റ് മാസ്‌റ്റേഴ്‌സിന്റെ സഹകരണത്തിലാണ്പരിപാടി സംഘടിപ്പിക്കുന്നത്.
 

1 comment:

T.S.NADEER said...

OFFCOURSE... ALL THE WISHES.. I WILL PRESENT THE FUNCTION..

THERE IS ONE OF MY POEM PUBLISHED IN PAVISHA MAZHA.. SO I AM EAGER TO KNOW THE OPENIONS FROM OTHERS..

THANKS
T.S.NADEER