നഷ്ടപ്പെടലുകള്‍( മിനികഥ )

പൊരിയുന്ന വെയിലില്‍ ... കടല്‍ തീരത്തു മണലില്‍ എന്തോ തിരഞ്ഞു കൊണ്ടൊരാള്‍ ...
അത് വഴി വന്ന ഒരു വഴി പോക്കന്‍ ഇതു കണ്ടു .... അയാള്‍ ചോദിച്ചു .
" എന്താണ് താങ്കള്‍ തിരയുന്നത് ??? ''
ഉത്തരം ഉണ്ടായില്ല ....
അയാള്‍ വീണ്ടും തിരയുകയാണ് ....അയാളുടെ ശരീരത്തില്‍ നിന്നും വിയര്‍പ്പുകണങ്ങള്‍ ഇറ്റിറ്റു താഴെ വീഴുന്നുണ്ടായിരുന്നു .എന്നിട്ടും അയാള്‍ തിരച്ചില്‍ നിര്‍ത്തുന്നില്ല .
ആകാംഷയോടെ ആഗതന്‍ വീണ്ടും ചോദിച്ചു.
പറയൂ .... സുഹൃത്തെ..എന്താണ് താങ്കള്‍ക്ക് നഷ്ട്ടപെട്ടത് ??? .
ഇപ്പോള്‍ ആ മനുഷ്യന്‍ തിരിഞ്ഞു നോക്കി .
അയാളുടെ മുഖം കോപത്താല്‍ വരിഞ്ഞു മുറുകി .

''നിങ്ങള്‍ ഒന്ന് പോകുന്നുണ്ടോ ?.
എനിക്ക് നഷ്ട്ടപെട്ടത് എന്‍റെ വിലപ്പെട്ട ഒന്നാണ് .
അത് നിങ്ങള്‍ക്ക് തിരിച്ചു തരാന്‍ പറ്റുമോ ?. എങ്കില്‍ ഞാന്‍ പറയാം .... ''

ആഗതന് ഉത്തരം മുട്ടി . അയാള്‍ തിരിഞ്ഞു നടന്നു .
അയാള്‍ ആലോചിച്ചു .

'ശരിയാണ് എന്നോട് അയാള്‍ അത് പറഞ്ഞാല്‍ തന്നെ എനിക്ക് അയാള്‍ക്ക്‌ അത് തിരിച്ചു കൊടുക്കാന്‍ പറ്റില്ല .
അത് അയാളുടെ സ്വകാര്യതയാണ്‌ .'

'' നഷ്ട്ടപെട്ടതിന്‍റെ വേദന അത് അനുഭവിച്ചര്‍ക്കേ അറിയൂ ''