രാപകല്‍ വെയിലും മഞ്ഞും കൊണ്ട് പ്രവാസി.

പ്രവാസത്തിലൂടെ കൊഴിഞ്ഞു
വീഴുന്നു ദിനരാത്രങ്ങള്‍ ....
അന്യന്‍റെ നാട് അന്യന്‍റെ വീട് ...
ആര്‍ഭാടത്തില്‍ കഴിയും ശെയ്ക്കന്‍ മാര്‍ക്ക്
തെരുവ് പട്ടിയോടുള്ള അനുകമ്പ .

രാപകല്‍ വെയിലും മഞ്ഞും കൊണ്ട് ജോലി
കൂലി ചോദിച്ചാല്‍ പിച്ച തെണ്ടിക്കും ......

ആണ്ടിലൊരിക്കല്‍ കിട്ടും .
കിട്ടുന്നത് ഒരു കവിളെ കാണൂ ...
കിട്ടുന്നത് തിന്നും കിട്ടിയില്ലേല്‍ അതും ഇല്ല .

മാടിനെ കെട്ടും തുറന്ന വണ്ടിയില്‍ ......
പൊടിയും വെയിലും കൊണ്ടൊരു യാത്ര .
മാറാ രോഗം വന്നാല്‍ മൂട് പോലെ എറിയും മൂലേല് .

മനം മടുത്ത് ഉള്ളതും എടുത്ത്‌ ഒരു വേലി ചാട്ടം .
കിട്ടിയാല്‍ ഒരു ജോലി , ... ഇല്ലേല്‍ വയ്യാവേലി ! .

പട്ടിണി കിടക്കാനും പണം വേണം ...
ദാനമായ്‌ കിട്ടിയ ജീവിതം .....
മറ്റുള്ളവര്‍ക്ക് വേണ്ടി ഉപേക്ഷിക്കാനും വയ്യ ! .

തിരിച്ചു പോകാനായി ഔട്ട്‌ പാസിനായി
മീറ്ററുകള്‍ താണ്ടി ചെന്നെത്തി എംബസിയുടെ മുന്നില്‍ .
കൌണ്ടറില്‍ ചെന്നപ്പോള്‍ കാണുന്നത് ...
ജീവിതം നഷ്ട്ടപെട്ടവരുടെ നീണ്ട ക്യൂ ......

പൊരിയുന്ന വെയിലില്‍ പിന്നിലായി സ്ഥാനം ഉറപ്പിച്ചു .

പെട്ടെന്ന് ബോധോധയം വന്ന് കീശയില്‍ തിരഞ്ഞപ്പോഴാണ്
യൌവനം നഷ്ട്ടപെട്ടതറിയുന്നത് ....