Custom Search

Sunday, December 6, 2009

അമ്മയുടെ തിരുമുറിവുകള്‍

അമ്മയുടെ തിരുമുറിവുകള്‍
---------------
അര്‍ദ്ധ രാത്രിയില്‍
തിരുപ്പിറവിയുടെ
കാറ്റടി ച്ച പ്പോള്‍
ഹിന്ദു മുസ്ലിം
ചോര പിരിഞ്ഞ്
മാതാവ്
രണ്ട് ദേശങ്ങളായി
ഒലിച്ചു പോയി .

പിതാവിന്‍റെ
ഒടിഞ്ഞ വാരിയെല്ലിനു
പകരമായി
വെട്ടിക്കീറി യ
സ്വാതന്ത്രത്തി ന്‍റെ
ഒരു അപ്പ കഷണമാണ്‌
അപ്പോസ്തലര്‍
നല്‍കിയത് .

വീഞ്ഞ് കുടിച്ച്‌
ഉന്മത്തരായവര്‍
മിനാരം ഉടച്ചപ്പോള്‍
പുത്രന്‍ വാങ്ങിയത്
മുലയരിഞ്ഞ മുറിവില്‍
ആണിയടിച്ചു കെട്ടാന്‍
പന്നിയും പശുവുമായി
മുക്രയിട്ട്‌ ചങ്ങല പൊട്ടിയ
ഒരു ഭ്രാന്തിനെയാണ് .

-------------------------ഷംസ്
december6

2 comments:

കിനാവ് said...

നല്ല കവിത, നന്നായി പറഞ്ഞു,എല്ലാം പറഞ്ഞു.

കെ. എം. തോമസ്, ബഹറിൻ said...

ജാലകം പുരസ്കാരത്തില്‍ പങ്കെടുത്ത എല്ലാവരുടേയും പേരുവിവരവും നിലവാരവും ദയവായി ഇതിലൂടെ പ്രസിദ്ദീകരിക്കുക.
കവിയാകുവാന്‍ മോഹമുള്ള തോമസ്
കെ.എം.തോമസ്